Eliace Ralaiarimanana

«Tsy afaka manao na inona na inona intsony i Rajoelina»

Politique
Alarobia 28 Febroary 2024

Tsy haiko hoe azon’inona ireto vahoaka malagasy ireto,

hoy ny filohan’ny antoko politika Kristianina manao politika, Eliace Ralaiarimanana, ankehitriny. Izay moa no antony hilazako foana hoe mila entina am-bavaka ilay firenena fa tena misy asan’ny devoly maloto, hoy izy. Tazomiko ny teniko. Nanao antso aho tamin’ny 19 janoary 2024 hoe andao hifanome tanana amin’izay fa tapitra anion y fe-potoam-piasan’i Andry Rajoelina. Misy namaly dia nisy tsy namaly fa izaho kosa aloha dia mahatsapa hoe zava-dehibe no nahavitako ilay antso satria ohatran’ny miha feno ny heriko ankehitriny miatrika ny fiainana iraimanontolo. Tsy hoe tsy ho tanteraka ny teniko fa araka ny efa nambarako hoe miady amin’ny zanak’Israely ireo. Hitanao fa mikatso ny raharaham-pirenena iraimanontolo izao. Tsy afaka manao na inona na inona intsony i Andry Rajoelina. Izany no midika fa tsy filoha intsony io dia tsy afaka manao na inona na inona eo anatrehan’Andriamanitra. Izaho mitazona ny teniko. Toy ny varin’ampango tra-maraina eo ireo. Miala ho azy ireo. Miandry ny fotoanan’Andriamanitra isika, hoy hatrany ny Kristianina manao politika.
J. Mirija