DISTIM AVARADRANO

Ny kandidan’ny Firaisankina ihany no tohanan’ny TIM

Politique
Alakamisy 16 Mey 2024

Mifamahofahobe ihany ny mikasika ny fanohanan’ny tanora na mpikambana

ao anatin’ny antoko TIM ireo kandida hilatsaka hofidiana ho solombavambahoaka ao anatin’ny distrikan’Avaradrano. Samy milaza hatrany izy ireo fa tohanan’ny TIM amin’izao fifidianana izao, antony nahatonga ny filoha lefitry ny DISTIM ao Avaradrano Randriantsoa Jimmy nivoaka tamin’ny fahanginana omaly. Nambarany fa raha naharaka ny toe-draharaham-pirenena isika dia nilaza hatrany ny filoha teo aloha Ravalomanana fa tsy manohana afa-tsy ny kandida hatolotry ny Firaisankina ny mpikambana eo anivon’ny antoko TIM rehetra na tanora na olon-dehibe. Midoika izany hoy Randriantsoa Jimmy fa mpandainga sy mpisoloky izay miteny sy milaza izany. Porofon’izany hoy izy ny tsy nahavitan’ny sasany zavatra tao anatin’ny distrikan’Avaradrano mihitsy hatramin’izay satria efa zatra mandainga amin’ny vahoaka izy.
Pati
Legende : Randriantsoa Jimmy, filoha lefitry ny DISTIM ao anatin’ny distrikan’Avaradrano !