Politique

Depioten’ny Faritanin’i Toliara Nitsipaka ny fitsipaham-pitokisana

Politique
Alakamisy 08 Desambra 2022

Nisy omaly ny fanambarana nataon’ireo depiote lany tao anatin’ny faritanin’I Toliara, izay nilaza fa tsy mankasitraka ny fitsipaham-pitokisana ny governemanta.

Manamafy ny fanohanana tsy misy fepetra ny Filoham-pirenena, saro-piaro amin’ny fahamarinan-toeran’ny fitondram-panjakana mba hitovizan’ny fampandrosoana izay efa miparitaka any amin’ny faritra rehetra manerana ny Nosy. Mampiseho firaisan-kiana ka mitsipaka marin-drano ny fitsipaham-pitokisana na “motion de censure””, hoy ny fanambarana nosoniavin’ny Depiote Jean Michel Henri. Raha ny tao anatin’ilay taratasy maneho ny fangatahana fitsipaham-pitokisana nosoniavin’ny depiote miisa 105 anefa, isan’ny voaresaka ho an’ny lafiny sosialy ny fihitaran’ny tsy fahampian-tsakafo na kere amin’ny faritra maro vokatry ny tsy fahombiazana ara-pitantanana (Atsimo Andrefana, Vatovavy Fitovinany, Androy, Anosy, Atsimo Atsinanana). Misy amin’ireo depiote avy any Atsimo nanao fanambarana ihany koa anefa no tsikaritra fa efa nanao sonia tamin’ilay fitsipaham-pitokisana, toy ny depiote Idealson, Masy Goulamaly,…
Toky R