Politique

Partagé sur :
• facebook

Nisy ny baiko maro isan-karazany azo avy amin’ny Fitondram-panjakana, ka teo ny Sekreteram-panjakana miadidy ny zandarimariam-pirenena (SEG),

ny minisitry ny atitany, ary eo ihany koa ny manam-pahefana izay milaza azy ho tompon’Antsirabe milaza azy ho manam-pahefana, dia ny governora, hoy ny depiote TIM voafidy teny amin’ny boriborintany faha-6 Atoa Todisoa Andriampandry omaly naneho hevitra mikasika ny fanakanana ny Antoko TIM. Izy izay isan’ireo depiote 10 nitarika vahoaka sy niatrika ny daroka lakrimozenina tany Antsirabe ny sabotsy lasa teo. Nahitsy anefa izy nilaza fa na teo aza ny baiko nanaovana izay tsy hisian’ny olona, ny tifitra grenady variraraka nihatra tamin’ny vahoaka hatramin’ny ankizy tsy ampy taona, eny na ny Filoha Ravalomanana aza nambanana basy, ny solombavambahoaka voatositosika, dia tsy nahasakana ny vahoaka, fa niaraha-nahita ny zava-nisy. “Ity Fitondrana ity, ny mpitondra, ary ireo manam-pahefana tao an-toerana dia kanosa. Izaho dia isan’ny niantso nivantana tamin’ny fahitalavitra hoe: raha lehilahy izay milaza azy ho governora, na ny Préfet, na ny SEG, dia mijoroa sy mahasahia manatrika vahoaka sy miatrika anay”, hoy hatrany ny depiote Todisoa Andriamampandry, izay nilaza fa manao adina akoholahy fataka ireo. Tsy nisalasala noho izany ny tenany nilaza fa vaky barara sy niaraha-nahita, fa tsy misy maharesy ny vahoaka izany na misy azan y fampiasana herim-pamoretana. Endrika tsy fisian’ny demokrasia ireny, misy ny herim-pamoretana, zavatra tsy tokony hatao ireny. Ny dikan’ireny dia efa miala aina ny fitondram-panjakana, vao mainka hahery vahoaka, vao mainka hitarika ny vahoaka sy izahay mpitarika tsy hanaiky lembenana amin’ny zavatra tsy mety eto amin’ny tany sy ny Fanjakana, hoy I Solombavambahoaka sady mpampianatra mpikaroka eny amin’ny anjerimanontolo io.
Toky R
 

Tia Tanindrazana

Samia mijoro ho an'i Gasikara.