DEPIOTE RAJERISON ANTOINE

Alefaso ny fifidianana sefom-pokontany

Politique
Alakamisy 18 Septambra 2025

Mitaky ny hanatanterahana ny fifidianana

sefom-pokontany ny depiote Rajerison Antoine voafidy tany amin'ny distrikan'Arivonimamo. Ireny olona tendren'ny Fitondram-panjakana ireny mantsy dia nambarany fa misy tsy mipetraka ao amin'ilay Fokontany tantanany akory fa mpisolelaka nalatsaka avy any ambony fotsiny. Misy koa tsy mahay mamaky teny sy manoratra akory nefa tokony hampiditra ny anaran'ireo mpifidy feno 18 taona anaty lisi-pifidianana. Tsy lazaina intsony ny olana eo amin'ny bokin'omby raha ny nambarany...Olona manana andraikitra goavana ny sefom-pokontany hoy izy ka tokony hofidiana fa banky ropotra ny vahoaka madinika indrindra fa ireo monina eny anivon'ny tontolo ambanivohitra raha izao no mitohy. Notsiahiviny moa fa ny 80%-n'ny mponina dia tantsaha mpamokatra avokoa. Ny 5%-n'ny teti-bolam-panjakana isan-taona monja anefa raha ny nambarany no natokana ho azy ireny izay efa tena tsy rariny intsony. Miandrandra fanitsiana mandritra ny fanapahana ny teti-bola taona 2026 araka izany ity Solombavambahoaka iray ity.
Pati
Légende : Ny depiote Rajerison Antoine tsy nitsitsy fitenenana omaly !