Depiote Nicolas Randrianasolo

Partagé sur :
• facebook

Aza diso misolelaka loatra, hoy ny depiote voafidy

tao Betroka, Nicolas Randrianasolo! Ratsy ihany koa ianao raha diso misolelaka loatra amin’ny filoham-pirenena, hoy izy. Mifanipaka amin’ny lalàmpanorenana izany «3éme mandat» na fotoam-piasàna faha 3 izany ka tsy isika mpanao lalàna indray no hanitsakitsaka ny lalàmpanorenana. Fe-potoana fiasana miisa 2 ihany no azon’ny filoham-pirenena atao satria izay no mifanaraka amin’ny lalàmpanorenana. Misy ireo mpanao politika namanay sasany dia miteniteny foana. Tokony ho sivanina ihany ny zavatra ambara, hoy hatrany izy! Naneho ny alahelony manoloana ny raharaha fifidianana ben’ny tanàna tao Betroka ity depiote ity. Resy teo anoloan’ny fitsarana ny ben’ny tanàna izay mpifanandrina amin'ny ben'ny tanàna tohanan'ny depiote Nicolas, hoy izy. Rehefa resy anefa izy ireo dia mitory anay kanefa izahay dia samy mpanohana fitondrana ihany. Tsy mpanohitra fanjakàna izahay antoko politika GJMP fa ankalazaina fotsiny hoe mpanohitra ao Betroka ao. Nanohana an’izao fitondrana izao efa hatramin’ny tetezamita ka hatramin’izao. Izaho ihany koa dia anisan’ny nanampy ny filoha tamin’ny filatsahany ary fitaovana nanampy azy aho mba ho marin-toerana ny fahazoany fahefana. Tsy maty voalavo an-kibo ireo mpifanandrina ireo ary manao ramatahora kanefa izahay dia nandresy teny anivon'ny «conseils d'état» na filàn-kevim-panjakàna. Didim-pitsarana tsy azo ihodivirana ity nivoaka ity, izay milaza fa nandresy ny ben'ny tanàna izay tohananay, hoy hatrany ity depiote ity.
J. Mirija

Tia Tanindrazana

Samia mijoro ho an'i Gasikara.