Clémence Raharinirina

« Hazavao ny tsy fahitana ny PDS tsy hisian’ny kihonohono »

Politique
Alakamisy 22 Aogositra 2024

Hatreto dia mbola tsy nisy nahazo fanazavana mikasika ny tsy fahitana ny PDS Ramanambintana Richard

ireo mpanolontsaina eo anivon’ny kaominina Antananarivo renivohitra. Raha araka ny fanazavan-dRaharinirina Clemence dia tamin’ny fivoriana ara-potoana mbola teo sy nanatrika izany ny PDS. Nandritra ny fivoriana tsy ara-potoana faharoa kosa dia tsy teo intsony izy ary tsy nisy nahitana ny endriny intsony ireo karazana hetsika notanterahin’ny Kaominina Antananarivo renivohitra. Na izany aza anefa hoy ity mpanolon-tsain’ny kaominina ity dia tsy manamarina velively ny vaovao miely eny anivon’ny tambajotran-tserasera Facebook ny tenany. Ny tompon’andraikitra no tokony handray ny andraikiny hoy izy ka hitondra fanazavana mifandraika amin’izany hisorohana ny honohono tonga any am-poto-tsofin’ny vahoaka. Eo an-daniny hoy hatrany izy dia tany tan-dalana isika. Tsy afaka mandeha irery ny Kaominina Antananarivo renivohitra fa tsy maintsy misy mpitarika.
Pati
Legende : Clemence Raharinirina, mpanolontsaina eo anivon’ny kaominina Antananarivo renivohitra !