Ben’ny tanànan’Antsiranana

Hiakatra PAC rahampitso

Politique
Alakamisy 16 Mey 2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

rahampitso zoma, ny ben’ny tanànan’ny kaominina andrenivohitr’Antsiranana, Jean-Luc DJavojozara, raha ny fampitam-baovao voaray omaly. Nialohan’izao moa dia nilaza ity ben’ny tanàna ity fa haheno ny tohiny ny rehetra. Farany ity, hoy izy. Hivoaka eo anatrehan’ny fitsarana isika. Ity ilay aferako ao amin’ny PAC. Hianianako amin-janahary, amin’ny razana ary aminareo vahoakan’Antsiranana fa madio ny tenako ary tena madio. Afera tamin’ny 2017 io ary fanodinkodinana no hiampangana ahy. Tsy nisy ratsy nataoko tamin’izany. Tsy nilamina ny kaonty CUDS ny oktobra 2017. Aiza ary izany vola nahodinkodina izany? Namoaka tombana foana isika ny taona 2016. Madio ny kaonty rehetra. Toy izany koa ny 2017. Halako bika tsy tiako tarehy ve ity? Isika tsy resy tsy miady, hoy hatrany izy.
J. Mirija