Politique

Ben’ny tanàna tsy IRK ao Vakinankaratra Hamarana taom-piasana vao nosalorana samboady

Politique
Talata 30 Aogositra 2022

Izao efa hamarana taom-piasana izao vao nosalorana samboady ny ben'ny tanàna sasany ao amin’ny faritr’I Vakinankaratra.

Tsikaritr'ireo mpanara-baovao, indrindra, avy ao an-toerana fa saika ireo ben'ny tanàna tsy miloko volomboasary, izany hoe tsy nirotsaka tamin'ny anaran'ny IRK, ireto taraiky fisalorana ireto. Isan'izany ny ben'ny tanànan'i Betafo lany tamin'ny anaran'ny antoko politika Tia tanindrazana, Livasoa Randriatahianamalala. Ity farany, hoy ireo mpanara-baovao, dia isan’ny niharan’ny antsojay tao anatin’izay 4 taona izay. Ao anatin’ny fandraisana ny andron’ny tanora moa amin’izao fotoana izao I Antsirabe, izay renivohitry ny faritra, ka heverin’ny mpanara-baovao hatrany fa noho izay antony izay indrindra no nanaovana lanonana kimaimaika hampisalorana samboady ireto ben’ny tanàna tsy mitovy fomba fijery amin’ny fitondrana ireto mba ho haingon-tanana na dia efa hamarana taom-piasana aza.
J. Mirija
Legende: Ny ben’ny tanànan’I Betafo, Livasoa Randriatahianamalala