Politique

Ben’ny tanàna am-perinasa kandida Tsy afaka manohy ny asany intsony izay eken’ny OVEC

Politique
Zoma 30 Aogositra 2019

Betsaka ny zavatra tsy fantatry ny rehetra manoloana ity fifidianana Ben’ny tanana izay hotanterahina ny 27 novambra ho avy izao ity.

Anisan’ny tena lehibe ary nampahatsiahivin’ny mpahay lalana Imbiki Herilaza omaly ny fanambarana nataon’ny fitsarana avo momba ny lalàmpanorenana mifandraika amin’izany, manoloana ny fahataperan’ny fotoam-piasan’ny Ben’ny tanàna manerana ny Nosy. Ho an’ireo mbola am-perinasa ary mbola hirotsaka ho kandida dia naman’ny manala tena izy ireo raha vantany vao eken’ny OVEC ny taratasy filatsahan-kofidiany. Mandimby azy avy hatrany aorian’izay ny lefiny voalohany hahafahana mampandeha ny raharaha eny anivon’ny kaominina. Ho an’ireo tsy hilatsaka hofidiana intsony kosa dia mbola afaka manohy ny asany hatrany izy ireny mandrapisian’ny vaovao voafidy izay vao miroso amin’ny famindram-pahefana ny roa tonta. Nomarihin’Atoa Imbiki Herilaza moa fa na inona na inona fiovana tamin’ny antontan-taratasy nilaina tamin’ity fifidianana Ben’ny tanàna ity dia efa manana ny vaomieram-pirenena mahaleotena misahana ny fifidianana isika na ny CENI miandraikitra izany fa tsy misy idiran’ny minisiteran’ny atitany intsony. Ho an’ny bileta laharana fahatelo manokana dia nomarihiny fa afaka maka izany eny amin’ny fitsarana avokoa ny kandida rehetra satria zony feno izany.

Pati