Antoko politika Otrikafo

“Efa tsy politika intsony no atao eto fa zavatra hafa mihitsy!”

Politique
Alatsinainy 27 Novambra 2023

Isany manamarika ny toe-draharaha politika amin’izao fotoana izao, hoy ny antoko politika Otrikafo,

ny fisamborana na fanenjehana ireo tsy mitovy hevitra amin’ny fitondram-panjakana. Miverimberina ny tantara, hoy ny filohan’ity antoko ity, Elia Rabevahiny, dia ny hoe matoa ny fitondram-panjakana miroso amina resaka fisamborana na fanenjehana tahaka ireny dia manomboka malemy izy izay. Ny dikan’ny hoe manomboka malemy dia manomboka tsy mahavaha olana. Toy io daholo no nataon’ny mpitondra nifandimby nefa noporofoin’ny tantara fa misambotra olona iray ianao dia mamboly fahavalo marobe hafa. Tsy vahaolana io fa fanehoana fahalemana sy fahatahorana. Mila atsahatra ny fampitahorana atao amin’ireo mpitarika sendika ireo. Manainga ny herivelona rehetra hamondron-kery hanohitra an’izao antsojay hatao amin’ny mpitarika sendika izao. Efa tsy politika intsony no eto fa efa zavatra hafa mihitsy, hoy hatrany ny Otrikafo!
J. Mirija