Antoko politika MONIMA

Partagé sur :
• facebook

Ny olona mianatra lalàna na siansa mikasika ny fiarahamonina, taona voalohany dia efa ampianarina ny atao hoe ambaratongan-taratasim-panjakana na

hiérarchie des textes”, hoy ny antoko politika MONIMA, tetsy amin’ny fonenan’ny filohan’izy ireo Monja Roindefo Zafitsimivalo, omaly. Ambony indrindra ny aorian’ny lalàna na fifanarahana iraisampirenena ny lalàmpanorenana, hoy ity filohan’ny antoko ity. Avy eo ny lalàna fehizoro na “loi organique”. Manaraka ny didy hitsivolana na “ordonnance”. Manaraka amin’izay ny didim-panjakana na “décret”, ny didim-pitondrana na “arrêté”, ny naoty sy ny hafa rehetra. Raha ny mikasika ny asana filoham-pirenena dia tafiditra anaty atao hoe “transition de facto-unilatérale” na tetezamita mandeha ila isika izao. Izany hoe tetezamita ihany satria ny filohan’ny antenimieram-doholona mbola filohan’ny antenimieram-doholona fa tsy misahana ny andraikitry ny filoham-pirenena izay fahefana nomen’ny lalàmpanorenana azy. Ny governemanta no misahana izany anaty fiaraha-mitantana na “collégialement” fa tsy araka ny voasoratra na “textuellement”. “En cas de forces majeurs” na tsy azo hanoharana nefa no tokony hisian’izany. “Unilatérale” na mitanila ilay izy satria governemanta efa teo ihany no misahana izany. Tsy mifanaraka amin’ny lalàmpanorenana izay ka tafiditra ao anaty krizy sahady noho izany ny firenentsika. Ny mahagaga fa ny HCC izay tokony fara-tampony amin’ny fahazoana ny lalàna no manao izany zavatra izany. Manohintohina ny mpisehatra ny fanapahan-kevitry ny HCC. Tsy matoky azy intsony ny mpilatsaka ho fidiana fa ny vahoaka malagasy iraimanontolo ihany koa. Mila ahitsy izany fa tsy hisy hifampatoky eto. Hitarika korontana eto amin’ny firenena ny zavatra toy izany, hoy hatrany ny MONIMA.
J. Mirija

Tia Tanindrazana

Samia mijoro ho an'i Gasikara.