Politique

Antoko politika FTM «Fifanarahana politika andraisan’ny rehetra anjara no vahaolana»

Politique
Talata 09 Mey 2023

Aoka tsy ho fifanarahana olona miisa 2 na 3 no heverina hitondrana vahaolana eto amin’ity firenena ity, hoy ny antoko politika FTM na Fitiavana ny tanin-janako eto Madagasikara.

Efa samy teo ianareo ary efa samy nitondra fa mbola sahirana ny firenena ary mbola latsaka anaty lavaka lalina, hoy ny filohan’ny antoko, Njaka Andriantsoa. Tsy ianareo no tsy mahay na koa vendrana fa ilay rafitra mipetraka eto no olana, hoy izy. Raha ianareo anefa no andrasana dia tsy hisy fiovana io rafitra io. Vahaolana avy hatrany ny fifanarahana ara-politika tokony ho hitan’ny rehetra ary andraisan’ny rehetra anjara. Fikaonandoham-pirenena no ilaina fa tsy fikaonandohan’olona 3 na antoko 3. Miandry ny mety ho tohiny izahay ary handray fanampahan-kevitra raha tsy misy izany, hoy hatrany ny FTM.
J. Mirija