Politique

Antoko Fanorolahy Hanao kongresim-paritra

Politique
Alarobia 14 Jona 2023

Miainga avy eny ifotony toy ny fandaharan'asa rehetra ho enti-mampandroso ny firenena ny antoko fanorolahy, tarihin’ny filoha nasionaliny José Randrianary.

Hanatanteraka kongresim-paritra izy ireo manomboka amin’ny sabotsy 17 jona ho avy izao ka eny an-tanimboly no hanatontosany izany. Ao Antanety Atsinanana, kaominina ambanivohitra Anosiala, distrikan’Ambohidratrimo no hisantarany izany ka fampianarana miompy tantely sy ny voly avotra no hatao mandritra ny tontolo andro.Arahina dinik'asa sy ady hevitra ny hetsika ka anisan’ny hovoaboasana mandritra izany ny hoe : inona no tena olana sedrain’ny tantsaha ary inona no vahaolana mifandraika amin’izany, mifanaraka amin’ny vanim-potoana misy ankehitriny ? Tsy hijanona hatreo ny hetsika fa hitohy any amin’ny faritra amin’ny alalan’ny fihaonana mivantana amin’ireo tantsaha ka any Fenoarivo Atsinanana no hamaranana izany aorian’ny fankalazana ny fetin’ny 26 jona. Tanjona ny hahafahana mitsinjo sy mijery ny tombontsoam-bahoaka ao anatin’ilay loha-hevitra hoe : hamboly sy hiompy isika ka hamokatra.
Pati