Politique

Antenimieram-pirenena Tsimbazaza Depiote 20 amin’ny 151 no mivory sisa

Politique
Alarobia 11 Aprily 2018

Solombavambahoakan’i Madagasikara latsaky ny 20 isa no tonga nanatrika ny fivoriana nitambarambe nandaniana ny volavolam-pandaharam-potoana ny alakamisy 5 aprily ka hatramin’ny alatsinainy 12 aprily 2018 natolotry ny diniky ny filoha omaly 10 aprily.

Sambany mba nanomboka ara-potoana ny fivoriana izay notarihan’ny filohan’ny Antenimieram-pirenena, Rakotomamonjy Jean Max. Raha volavolan-dalàna 3 no tokony handraisan’ireo depiote fanapahan-kevitra, amin’izao fivoriana tsy ara-potoana faha-4 izao, dia lanin’ny rehetra noho ny fangatahan’ny depiote Mara Niarisy Ankazoabo fa hajanona amin’ny fotom-pivoriana ara-potoana voalohany amin’ity taona ity izay hotontosaina amin’ny volana mey 2018 ho avy izao ny fandaniana ny volavolan-dalàna n°015/2017 mikasika ny “recouvrement et affectation d’avoirs illicites sy ny volavolan-dalàna n°054/2017 mikasika ny “lute contre le blanchiment de capitaux et le financement du terrorisme. Sisa hiadian-kevitra sy holaniana anaty fivoriana itambarambe anio alarobia 11 aprily 2018 maraina ny volavolan-dalàna n°002/2018 manova sy mameno ny lalàna n°2014-020 mikasika ny “ressources des Collectivités Territoriles Décentralisées, aux modalités d’élection, ainsi qu’à l’organisation au fonctionnement et aux attributions de leurs organes”.

Ntsoavina Evariste