Politique

Antenimieram-pirenena Holaniana anio ny fitsipika anatiny

Politique
Alatsinainy 19 Aogositra 2019

Nanomboka ny alarobia lasa teo ny fivoriana iraisan`ny vaomieran`ny lalàna eny amin`ny antenimieram-pirenena.

Nisy ny fivoriana mikaton-trano tsy azon`ny rehetra natrehina nataon`ireo depiote hijerena manokana ireo fanitsiana araka ny lalàna amin`ireo lahadinika izay dinihana amin`ity fivoriana manokana ity. Ny talata no efa nandeha ny fivoriana izay nandinihana ny fitsipika anatiny mifehy ny antenimieram-pirenena. Miandry ny tsirin-kevitra avy amin`ny tsirairay fa mbola ao anatin`ny asam-baomiera. Nisy tamin`ireo depiote no nandroso ny famerana ny isan`ireo solombavambahoaka afaka mandany lalàna iray. Tokony hasiana mpanolotsaina araka ny lalàna miaraka amin`ny solombavambahoaka miaraka amin`izay eritreretina ampidirana ao anatin`izay fitsipika anatiny. Misy ambaratongam-pitsarana aloha eto amintsika ka mbola miandry ny fanapahana avy amin`ny Fitsarana avo momba ny lalàmpanorenana (HCC) raha hampanankery na tsia ny lalàna mandeha eny amin`ny antenimieram-pirenena. Raha ny fandaharam-potoana notapahin`ny depiote ny talata 13 aogositra lasa teo dia anio no handalo fankatoavana amin`ny alalan`ny tsangan-tanana ataon`ireo depiote ity fitsipika anatiny ity. Fitsipika izay tsy maintsy nirosoana ny fanitsiana azy araka ny nambaran`ny filohany.

Marigny A.