Politique

Ampela Manao Politika Mitaky fanapahan-kevitra haingana kokoa

Politique
Alakamisy 20 Oktobra 2011

Tsy hita mihitsy izay mbola hampitarazohana ny fampiharana ny voalazan’ny sori-dalan’ny SADC rehefa nanaiky nanao sonia avokoa ny rehetra ary nanaiky ihany koa ny tovana nanampian’ny tompon-kevitra ny andininy faha-20 amin’izany, hoy Rtoa Rasamoelina Brigitte filoha nasionalin’ny antoko AMP (Ampela Manao Politika). Tokony hohafainganina avokoa ny fanendrena ireo tompon’andraikitra rehetra hitantana ny tetezamita hiaraha-mitantana, hoy izy, fa tsy hiandrasana an’ireo daty samihafa navoaka ireo indray toy ny hoe : 1 novambra ary 17 novambra. Efa maika sy dodona hiala amin’ny krizy ny vahoaka izay efa tena sahirana tanteraka, hoy izy, ka tokony hohafainganina ny fanapahan-kevitra rehetra. Nilaza ity mpitarika antoko sady filoha lefitry ny Kongresin’ny tetezamita ity fa efa vonona tanteraka amin’ny fifidianana isan-tsokajiny, hatrany amin’ny rafitra ambany indrindra ka hatrany amin’ny faratampony, ny antoko AMP ary efa ela no niasa tamin’ny fanomanana izany.

Manohy