Politique

Ambohimangidy - Ampitatafika Raikitra ny asa fanamboaran-dalana

Politique
Talata 08 Desambra 2015

Efa miroso tanteraka amin�ny asa fampandrosoana nampanantenainy ny vahoaka ankehitriny ny Ben�ny tan�nan�ny kaominina Ampitatafika Ramparaoelina Rado. Voakasik�izany manokana ny asa fanamboaran-dalana ao Ambohimangidy,

fampanantenana nataony tamin’ny vahoaka nandritra ny fampielezan-kevitra. Efa manomboka ny asa, famatsiam-bola notadiavin’ny kaominina ihany. Mitentina 250 tapitrisa Ar ny vola hanatanterahana izany raha mahatratra 1 km sy sasany kosa ilay lalana izay hatao rarivato manontolo. Hotanterahina tsy ho ela ihany koa ny fametrahana ireo jiro an-dalambe entina hiadiana amin’ny tsy fandriampahalemana. Notsindriany manokana ny ao amin’ny Fokontany Avaratetezana, fokontany anisan’ny be mponina indrindra ankoatra ny fananganana fikambanana hisahana manokana ny fanaraha-maso ny fahazoan’ny mponina rano fisotro madio izay nisy tatitra diso teo aloha, raha araka ny fanazavan’ity Ben’ny tanàna ity hatrany. Mikasika ny ady hatao amin’ny tondra-drano mandritra ny fotoam-pahavaratra manokana moa dia nambarany fa horaisin’ny minisiteran’ny asam-panjakana ny fanamboarana ilay fefiloha iray ao an-toerana. Na izany aza anefa dia notsindrian’ity Ben’ny tanàna ity fa mbola ho tratran’ny tondra-drano hatrany Ampitatafika raha tsy vita ilay fefiloha iray eny Androhibe eny.

Pati