Zokiolona ao Ambositra

Mitaraina amin’ny afitsok’ireo mpangaro-paosy

Fandriampahalemana
Zoma 21 Novambra 2025

Manao antsoavo amin'ny mpitandro

filaminana ireo zokiolona mpisitraka fisotroan-dronono eny amin’ny «trésor» na tahirim-bola eny Alakamisy, kaominin’Ambositra, raha ny fampitàm-baovao voaray omaly. Lasibatry ny haro-paosy ataon'ireo tontakely manodidina eo Alakamisy, araka ny fitarainana matetika nalefan'izy ireo tamina fandaharana iray ao an-toerana izy ireo. Manomboka eo Alakamisy ireo olon-dratsy no manaraka ireo zokiolona hitany fa nandray vola teo amin’ny «trésor» ary fantany ny fotoana fandraisam-bola, hoy ny fitantaran'ireo efa niharan’ny asa ratsy. Miangavy ny hisian'ny fandraisana andraikitra maika manoloana izao tranga izao ireo zokiolona ireo fa mitaintaina isaky ny fotoana fandraisam-bola, hoy hatrany ny fampitàm-baovao voaray. Mitaraina amin’ny afitsok’ireo mpangaro-paosy izy ireo.
Nangonin’i J. Mirija