Fandriampahalemana

Zazavavy 8 taona nisy naka Mahajanga

Fandriampahalemana
Alakamisy 03 Septambra 2020

Nirahin-dRay aman-dReniny hividy crédit na fahana no nivoahan’ i Laetitia, zazavavy kely vao 8 taona tao an-tokantranony omaly tokony ho tamin'ny 10 ora maraina tany Mahajanga.

Nisy niantso mafy tamin'ny anarany teny an-dalana anefa izy nandritra izany no sady nampiany hoe : avia aty fa tadiavin’i papanao ianao". Nanatona avy hatrany i Laetitia nandritra izany kinanjo nahondran'ireo tsy mataho-tody tao anaty bajaj ary nentiny.Rehefa tonga teo Amborovy dia somary navoakan’ireo jiolahy ilay zaza ka nampisotroiny rano. Nampidirin'ireto jiolahy tanaty gony moa i Laetitia ka rehefa nisy nahatsikaritra izany dia nanatona moramora ny fokonolona. Raiki-tahotra ireto dahalo vokatr’izany ka nitsoaka nandositra ary natsipiny ilay gony hoy ny vaovao.Nosokafan’ny fokonolona ilay gony taorian’izany ka hita tao i Laetitia kely izay efa tsy nahatsiaro tena intsony.

Nangonin’i Pati