Fandriampahalemana

Zaza very Nahatratra 750 isa tamin’ny taona 2022

Fandriampahalemana
Alatsinainy 23 Janoary 2023

Nitombo ny isan’ireo zaza very teto amintsika. Nahatratra 750 isa izany tamin’iny taona 2022 nivalona iny raha araka

ny loharanom-baovao azo tetsy amin’ny polisy misahana ny zaza tsy ampy taona etsy Tsaralalana. Ny 400 isa tamin’ireo no very teo an-kohonan-dRay aman-dReniny raha araka ny fantatra ary efa tafaverina soa aman-tsara. Ny ambiny kosa tsy voafaritra mazava hoy ny kaomisera Andriamiandra Fidy noho ny fisian’ireo Ray aman-dReny sasany falifaly fotsiny rehefa tafaverina ny zanany ary tsy manome vaovao ny polisy intsony. Ilaina mihitsy anefa izay fampitam-baovao izay hoy hatrany ity kaomisera ity hahafahana manohy ny fanadihadiana raha toa ka ilaina izany. Olana ao an-tokantrano amin’ny ankapobeny no tena manosika ireo ankizy hiala ny tokantranon-dRay aman-dReniny ankoatra ireo efa manaraka namana sy olon-tiana any amin’ny toerana tsy fantatra. Eo an-daniny anefa dia mitombo ihany koa ireo olona maniry ny hanangana sy mitsiriritra ireny zaza misy manary ireny eto amintsika izany tsy maintsy manaraka rafitra an-tanan-tohitra maro vao afaka manatanteraka izany.
Pati