Fandriampahalemana

Zandarimariam-pirenena Nomen’ny Assist Aviation fiaramanidina

Fandriampahalemana
Talata 01 Desambra 2020

Nanolotra fiaramanidina marika Cessna 737 “bi-moteur”, mahazaka olona 6 ho

an’ny zandarimariam-pirenena ny orinasa Assit Aviation notarihin’ny Tale Jeneraliny Rtoa Mihaja Moyon omaly. Vao 2000 ora ny sidina nataon’io fiaramanidina io, raha ny fanazavana, izay natolotra niaraka tamina maotera 4. Vokatry ny fiaraha-miasan’ny zandarimaria amin’ny hehatra tsy miankina izy io. Nitarika ny delegasionina nandray izany ny Sekreteram-panjakana miadidy ny zandarimariam-pirenena (SEG) Jeneraly Ravalomanana. “Marika hita maso izao amin’ny fanohanana zandarimaria nasionaly amin’ny fanantanterahana ny asa. Tena mila fanohanana izahay satria miantra aman’aina ny asa. Zandary 11 no nodimandry tamin’ity volana ity, ka ny 5 tamin’ireo dia noho ny fifandonana tamin’ny dahalo”, hoy ny SEG. Nambara fa hampiasaina amin’ny fanenjehana dahalo, hanaovana famonjena aina ny zandary rehefa misy zandary mety ho maratra,… Miara-miasa amin’ny tafika ny zandarimaria, ary hisy ny fiaraha-miasa amin’ny mpanamory sivily raha ilaina, hoy ny SEG.

Toky R