Vono olona tao Antsirabe

Mpivady namoahana filazana fikarohana

Fandriampahalemana
Alakamisy 23 Novambra 2023

Taorian’ilay tranga nampalahelo izay nahitana ny nofo mangatsiakan’Itompokovavy Noeline,

mpiasan’ny kaominina ambonivohitr’Antsirabe dia fantatra izao fa mpivady hafa no indray namoahan’ny mpitandro ny filaminana any an-toerana filazana fikarohana. Andriamasiharivelo Narindra Arthur no anaran’ilay lehilahy izao vao 37 taona monja. Dinaharivelo Rakotovao kosa no anaran’ilay Ramatoa izay vao 35 taona ihany koa. Ao amin’ny laharan-trano 11 D 160 Mahazina fokontany Mahazina ihany izy ireo no mipetraka, Kaominina Ambonivohitra Antsirabe. Anisan’ny hanenjehana azy ireo moa ny fitanana an-keriny narahina vono olona. Izy ireo hoy ny vaovao no ahiahiana ho tompon'antoka voalohany tamin'ny fitazomana an-keriny narahina famonoana an'Itompokovavy Noeline, ilay mpiasan’ny kaominina ao an-drenivohitr’Antsirabe. Efa mandeha araka izany ny fikarohana azy ireo.
Nangonin’i Pati
Legende : Ireto izy mivady tadiavina !