Vono olona mahatsiravina

Nalana ny maso sy nonon’ilay vehivavy, nanjavona ny zanany

Fandriampahalemana
Zoma 01 Aogositra 2025

Vehivavy iray no fantatra fa nisy namono tamin’ny fomba feno habibiana tany

amin’ny Fokontany Ankatsaky, kaominina ambanivohitr’ Ambahikily Distrikan'i Morombe, afak’omaly Alarobia 30Jolay. Olona sendra nandalo no nahita ny vatana mangatsiakany efa nitsirarabe sy feno ra raha araka ny vaovao azo. Efa tsy hita teo intsony ny mason’Itompokovavy, ny nonony ary ny ao anatin’ny lohany izay tombanana ho atidoha iray manontolo. Ankoatra ity tranga mampalahelo ity dia fantatra fa lasan'ireo olona tsy mataho-tody namono an’Itompokovavy ihany koa ny zanany vavikely vao herin-taona monja ary mbola tsy hita hatramin’ny omaly hariva fotoana nanoratanay ny vaovao. Efa eo am-pelatanan’ny mpitandro ny filaminana ny raharaha.
Pati
Legende : Nosarahana manta tamin’Itompokovavy koa ny sombin’ny ainy !