VOKATRY NY TSY FANANAN’ASA

Mitombo ireo mpanao sinto-mahery eto an-drenivohitra

Fandriampahalemana
Alarobia 23 Jolay 2025

Mitombo isa isan’andro ireo mpanao sinto-mahery eto an-drenivohitra.

Vokatry ny tsy fananan’asa amin’ny ankapobeny no antony mahatonga izany ka manosika ny sasany hanaotao foana indrindra fa ireo mamelom-bady aman-janaka. Lehilahy iray nanao sinto-mahery findain'olona nandalo teny Anosy no hitan’ireo Polisy afak’omaly Alatsinainy 21 Jolay atoandro ka raikitra ny fanenjehana azy. Tsy lasa lavitra fa teo akaiky teo ihany dia voasambotra ilay ranamana ka rehefa nosavaina dia nahitàna finday miisa efatra, izay finday halatra avokoa, tany aminy. Avy hatrany dia nentina teny amin’ny biraon’ny kaomisaria Mahamasina ity mpanendaka ity nanaovana fanadihadihana sy hatao andri-maso ary mety hiakatra Fitsarana anio. Tsiahivina moa fa ankoatra ny mpanolana sy ny mpivaro-drongony dia ny mpanendaka no tena mameno ny fonja amin’izao.
Pati
Legende : Saika Raim-pianakaviana mamelon-jakana ny ankamaroan’ireo mpanendaka eto an-drenivohitra !