Fandriampahalemana

Vohiposa RN 7 Taksibrosy iray voatafika, jiolahy iray no maty

Fandriampahalemana
Alatsinainy 29 Jolay 2019

Mihamahazo vahana indray ny fanafihan-jiolahy any amin’ny lalam-pirenena fahafito.

Taksibrosy iray avy any Toliara hihazo an’Antananarivo indray mantsy no lasibatra ny zoma alina lasa teo tao Antaretra Vohiposa. Araka ny fantatra, tafasaraka tamin’ireo fiara namany niara-nandeha taminy ity taksibrosy iray ity. Nahatsara zavatra anefa ny fisiana zandary nanaraka ny fiara tao anatiny ka raikitra ny fifandonana teo amin’ny roa tonta. Tsy nahazo na inona na inona tany amin’ireo mpandeha ireo jiolahy. Iray kosa no lavon’ny balan’ny mpitandro ny filaminana 20 metatra niala tamin’ny toerana nisian’ny fifandonana ary efa nozahana akaiky. Ny sabotsy hariva teo ihany dia namory ireo mpampiasa taksibrosy mampiasa iny lalam-pirenena fahafito iny ny kaomandin’ny zandarimariam-pirenena ao Fianarantsoa. Nantitranteriny fa tsy tokony hisaraka amin’ny namany ireo fiara fitaterana mandeha alina na iza na iza hiarovana ny ain’ny mpandeha sy ny mpamily ary ny fananany, indrindra amin’izao ankatoky ny vakansy lehibe izao.

Pati