VEHIVAVY VARIRA NISY NANAPA-DOHA

Lehilahy iray no naniraka, 10 tapitrisa Ar no sandan’ilay loha

Fandriampahalemana
Zoma 19 Jolay 2024

Fantatra izao fa lehilahy iray no tompon’antoka ary naniraka ireo lehilahy folo hafa

nahavita nanapa-doha ilay vehivavy varira iray tany amin’ny distrikan’Ampanihy Andrefana andro maromaro lasa izay. Raha araka ny loharanom-baovao azo dia nosandain’ilay naniraka 10 tapitrisa Ar ny lohan’io vehivavy io rehefa azony soa aman-tsara. Tsy mbola fantatra kosa izay antony tena ilany azy na dia efa nanamafy ombieny ombieny aza ny Filohan’ny Fikambanana miahy ny olona varira eto amintsika Atoa Soja Fulgence fa tsy misy vatosoa izany ao anatin’ny maso na lohan’ireny olona varira ireny. Raha araka ny fantatra moa dia ahiana ho tafiditra ao anatin’ity raharaha ity ny vadin’io vehivavy varira io noho ny fitiavam-bola.
Pati
Legende : Miaina anaty tebiteby lava ireo olona varira eto amintsika !