VEHIVAVY SAIKA VOAOLANA

Tafatsoaka, voatsindron’ny antsy ny nonony sy ny tratrany

Fandriampahalemana
Alakamisy 24 Aprily 2025

Vehivavy iray no fantatra fa saika voaholana tany Sabotsy Namehana ny datin’ny 22 Aprily lasa teo.

Nifanena tamin-dehilahy teny amin'ny toera-mangina izy io ka nambanany antsy. Nadaraobony tamin’ny tany ihany koa mba haolany kinanjo nanohitra anefa ilay vehivavy ka notsindrominy ny antsy avy hatrany. Tafatsoaka ihany anefa ity farany ka niantso vonjy. Noho ny fiaraha-mientan'ny Zandary sy ny Fokonolona dia voasambotra ilay nahavanon-doza rah efa manaraka fitsaboana ilay vehivavy. Tsindron’antsy miisa 5 no hita teny amin’ny nonony sy ny tratrany. Raha araka ny fantatra moa dia mpiambin-tanàna io nahavanon-doza io ary mbola tratra teny aminy ny antsy nanaovany ny fandikan-dalàna. Nahitana boky 𝐓𝐨𝐮𝐬 𝐥𝐞𝐬 𝐬𝐞𝐜𝐫𝐞𝐭𝐬 𝐝𝐮 𝐬𝐢𝐤𝐢𝐝𝐲 𝐌𝐀𝐋𝐀𝐆𝐀𝐒𝐘, sy moara iray ihany koa teny aminy.
Pati
Legende : Ity ilay ranamana sy ireo sikidy nampiasainy !