Fandriampahalemana

VATOFOTSY ANTSIRABE Mpanao « cash point » norobain’ny dahalo 20 lahy

Fandriampahalemana
Zoma 04 Aogositra 2023

Fianakaviana iray ahitana olona 5 mianaka mpanao cash point no norobain’ny dahalo tao Miara-masoandro Vatofotsy

Antsirabe afak’omaly Alarobia hariva tokony ho tamin’ny 07 ora raha iny handeha hamonjy fodiana iny. Jiolahy miisa 20 mirongo basy sy antsy lava no nisakana azy ireo nandritra izany ary avy hatrany dia nanao teny mahery sy nandrahona hoy ny vaovao. Raikitra ny fifanjevona nandritra izany ka zazalahy kely iray 14 taona no voatifitra teo amin’ny sandri-tanany rehefa niezaka ny mba niaro ireo fianakaviany. Efa manaraka fitsaboana any amin’ny hopitaly moa izy amin’izao fotoana izao. Vola mitentina 300 000 Ar miaraka amin’ireo entam-barotra hafa kosa no lasan’ireo jiolahy. Miantso ny tokony hijerena ny fandriampahalemana ao an-toerana araka izany ireto fianakaviana voaroba ireto.
Nangonin’i Pati