Varira nalaina an-keriny tao Manakara

Efa eo anilan'ny fianakaviany i Tinakely

Fandriampahalemana
Alatsinainy 18 Aogositra 2025

Avotra soa amantsara tamin'ny faran'ny herinandro teo i Tinakely,

ilay zazavavy kely varira vao 4 taona monja nisy naka an-keriny tao Marofinaritra, distrikan'i Mananjary ny 06 Aogositra lasa teo, tokony ho tamin'ny 12 ora sy sasany alina. Vokatry ny ezaka nataon'ny mpitandro ny filaminana no nahafahana nanavotra ilay tsy manan-tsiny. Tao Ambalahosy Nord no sarona ireo jiolahy miisa 6 tompon'antoka izay fantatra fa hiakatra Fitsarana amin'ity herinandro vaovao ity. Tazomina ao Mananjary ireo olon-drasy hatao fanadihadihana hatramin'ny omaly nanoratanay ny vaovao. Mampahatsiahy hatrany moa ny Filohan'ny fikambanana miahy ireo olona varira fa tsy misy vatosoa na safira izany ao anatin'ny mason'ireny olona varira ireny ka tsy tokony hampijaliana tahaka izao izy ireny.
Pati
Légende : Ilay Zaza varira efa eo an-trotroan-dReniny! Ireo jiolahy tompon'antoka !