VANGAINDRANO

Zazalahy saika hamidy, notombanana 20 tapitrisa Ar

Fandriampahalemana
Alarobia 05 Febroary 2025

Taorin'ny fametrahan'ny mpitandro filaminana paikady dia tra-tehaka ireo olon-dratsy

nian-dahy niam-bavy nangala-jaza ary saika hivarotra ilay tsy manan-tsiny tamin’izay olona manam-bola. Nandritra ny 3 andro izy ireo no fantatra fa efa nivezivezy nitady mpividy saingy tsy nahita ka 20 tapitrisa Ariary no nanombanana ho vidin’ilay zazalahy kely vao 9 taona monja. Notanan’ny zandary tao Vangaindrano avy hatrany ireo mpangala-jaza raha natao fizaham-pahasalamana kosa ilay zazalahy. Hiakatra fitsarana amin’ity herinandro ity moa ny raharaha. Fantatra fa salama tsara ilay tovolahy kely ary efa nahita soa aman-tsara ny fianakaviany.
Nangonin’i Pati
Legende : Ity ilay zaza sy ireo olona nangalatra azy !