VAKY TRANO TENY AMBOHIMAHITSY

Tovolahy iray no voasambotra, efa nigadra

Fandriampahalemana
Alatsinainy 15 Jolay 2024

Tokantrano maromaro no fantatra fa efa vaky tao amin'ny faritra Ambohimahitsy, Ambatomaro,

Ambohimangakely ary Soamanandrariny tato anatin’ny 3 volana izao. Tao amin’ity tanana farany no naharaisan'ny Poste Avancé-n’ny zandarimariam-pirenena Soamanandrariny fitarainana betsaka indrindra ka niroso tamin’ny fisamborana ny olon-dratsy izy ireo. Nisy ny olona efa noahiahiana tamin'izany ka natao ny fikarohana.Voasambotra ny Sabotsy 13 Jolay teo teny Ambohimahitsy vokatr’izany ny tovolahy iray anisan'ireo ahiahiana ho isan'ny mpanao ireo vaky trano ireo.Niaiky avy hatrany ny fandikan-dalàna izay nataony ny lehilahy rehefa nanontanian'ny Zandary.Efa in-droa nifonja noho ny raharaha vaky trano koa izy, raha araka ny fanadihadiana natao hatrany. Mbola karohina kosa ireo namany hafa. Pati
Legende : Ity ilay tovolahy anisan’ireo mpanaky trano nampikaikaika ny mponina teny Ambohimahitsy !