Fandriampahalemana

Vaky trano tany Melaky Entana maro be no tratra tao amin’ilay tovolahy

Fandriampahalemana
Zoma 21 Oktobra 2022

Tovolahy iray mpamaky trano ary efa nampitondra faisana tokan-tranon’olona maro tao amin’ny tanànan’i Maintirano no saron’ny mpitandro ny filaminana omaly.

Ny alakamisy 20 oktobra 2022 no sarona ity lehilahy ity raha tsiahivina. Malaza mpamaky trano ary tsy mifidy ireo entana hangalariny izy ao anatin’ izany, ka raofiny avokoa izay hitany ao amin’ireo tokan-tranon’olona hidirany. Nanao ny fisavana ny toerana misy azy teny Ampasimandroro Maintirano noho izany ny Polisim-pirenena rehefa nahazo fanampim-baovao mahakasika azy teo amin’ny manodidina. Hita tao amin’ny trano fonenany avokoa vokatr’izany ny karazana entana maro sy kojakoja fampiasa ao an-tokantrano . Marihana fa halatra avokoa ireto tra-tehaka ireto ary nahitana fanamiana mpitandro ny filaminana ihany koa teny aminy izay nambarany fa nangalariny ihany koa. Mitohy araka izany ny fanadihadiana hataon’ny Polisim-pirenena mahakasika ity raharaha ity sy fitadiavana ireo namany hafa.
Pati