VAKY TRANO SY SINTO-MAHERY TENY ITAOSY

Olona 2 no nalefa eny Antanimora

Fandriampahalemana
Alarobia 04 Martsa 2026

Mbola mahazo vahana hatrany

ny vaky trano sy ny sinto-mahery eny Itaosy Atsimondrano eny. Ny 26 Febroary teo dia lehilahy iray no voasambotry ny Polisim-pirenena rehefa namaky trano. Tratra namoaka fahita lavitra tao amin'ny tokantrano iray tao Sakambahiny Ambanilalana ity lehilahy ity ka nandositra raha vao nahita ny tompontrano. Tratran'ny Polisimpirenena izy taorian'ny fikarohana. Ny 27 Febroary atoandro teo indray dia lehilahy iray hafa no voasambotra noho ny sinto-mahery teny Marobiby. Niantso vonjy Ilay niharam-boina ka tratra tsy lavitra teo izy noho ny fiaraha-mientan'ny fokonolona sy Polisim-pirenena. Natolotra ny Fampanoavana ny 02 Martsa teo izy roalahy ireto ka naiditra am-ponja vonjy maika eny Antanimora.
Pati
Légende : Ireto ry zalahy mpanao ratsy eny Itaosy eny !