VAKY FASANA SESILANY AO AMBATOMANGA

« Drokitrokian’ny jiolahy ny mponina satria mahantra»

Fandriampahalemana
Alakamisy 24 Aprily 2025

Lasa faritra mena ny tananan’Alarobia Ambatomanga raha faran’izay nilamina teo aloha.

Tato anatin’ny iray volana mantsy izao dia fasana miisa 3 no indray vaky ka vao tamin’ny fiandohan’ny herinandro teo ny iray farany raha araka ny fanazavan’ireo valala mpiandry fasana. Tamin’ny volana Septambra taona 2024 kosa no nitranga ny vaky fasana iray ka ny lohan’ireo olona efa maty sy ny lambany nofonosan’izy ireo sisa no navelan’ireo tsy mataho-tody. Raha araka ny fanazavan’ireo valala mpiandry fasana hatrany dia vokatry ny fahasahiranana mianjady amin’ny mponina no mahatonga izany. Tena mafibe ny fiainana ao amin’ity kaominina ity amin’izao hoy hatrany ny fanazavany indrindra fa ny resa-bola izay tena mangidy tokoa. Tsy maharitra ny drokidrokin’ireo jiolahy avy any ivelany ireo tsy an’asa…vokatr’izany hany ka manaotao foana. Nomarihiny moa fa mbola tsy nisy tratra ireo mpanao ratsy. Ny hany fantatra hoy izy dia misy miray tendro amin’izy ireo ny olona ao an-tanana.
Pati
Legende : Hanjakan’ny vaky fasana ny ao Alarobia Ambatomanga !