Vaky fasana etsy sy eroa

Razana am-polony indray no lasa tany Alakamisikely

Fandriampahalemana
Zoma 22 Aogositra 2025

Voazimbazimba tanteraka ny hasin'ny maha-Malagasy.

Razana am-polony indray no voakirakira ny alin'ny 19 Aogositra lasa teo tany Alakamisikely, distrikan'Arivonimamo. Tao anatin'ireo fasana miisa 3 vaky ireo razana ireo ka tsy nisy tavela na dia kely aza hoy ny vaovao. Olona sendra nandalo moa no nahatsikaritra ny fahavalisan'ireto fasana ireto ka nanaitra ny manodidina. Efa tonga tany an-toerana ny mpitandro filaminana ary efa mandeha ihany koa ny fanadihadiana. Efa nahazo vaovao ihany koa ny ankamaroan'ny fianakavian'ireo maty. Marihina fa tsy mety foana ny vaky fasana eto amintsika. Misy ihany ireo olona tratra ary efa naiditra am-ponja vonjimaika saingy mahavita manao vy very ny ainy mihitsy tsy sahy mitoroka ireo tena ati-doha naniraka azy.
Pati
Légende : Mirongatra indray ny vaky faisana eto amintsika !