TSY LEO MIFONJA

Vao avy nigadra 08 volana dia tratra nangalatra indray

Fandriampahalemana
Alakamisy 12 Septambra 2024

Misy olona tsy leo ny miaina eny am-ponja eto amintsika.

Raha tsiahivina anefa dia efa tena feno dia feno ny fonjaben’Antanimora ary tsy manana anjara sakafo afa-tsy mangahaz 300 grama isan’andro ny voafonja iray. Manjaka tanteraka ny aretina azo avy amin’ny tsy fanjariantsakafo mahazo azy ireo sy ny aretin’ny taovam-pisefoana noho izany. Ho an’ity tovolahy iray tratra nangalatra panneau solaire teny Ankadindratombo Alasora ity ohatra dia vao avy nigadra 08 volana teny Antanimora ny tenany saingy mba efa nivoaka ny volana Aprily lasa teo. Teo am-panaovana ny asa ratsiny mihitsy izy no tratra ka tsy afa-niala intsony. Tamin’ny 08 Septambra teo ihany koa ny anaolahy dia voaporofo fa namaky trano teny Miadana Alasora, Antananarivo Avaradrano saingy tafaporitsaka rehefa nahazo vola mitentina 800.000 Ariary sy Radio. Na izany aza efa mizaka ny valin’asany izy.
Pati
Legende : Ity ilay ranamana !