Fandriampahalemana

Tsy kely lalana ny ratsy Atody indray no ampiasain’ny jiolahy hampijanonana fiara

Fandriampahalemana
Zoma 31 Martsa 2023

Tena efa tsy milamina intsony ny fandriampahalemana eto amintsika. Fiarakely iray handeha hamonjy fodiana nandalo teny Itaosy teny ny Alarobia alina lasa teo no notorahin'ny jiolahy atody ny parebrise’ny.

Manakaiky ny mpamily mihitsy io voatoraka atody io raha araka ny vaovao azo. Soa ihany anefa fa tsy nikitika essuie glace ilay mpamily fa niezaka ny nandeha moramora fotsiny saingy tsy nijanona ihany koa. Raha araka ny fanadihadiana natao moa dia betsaka ireo mpamily efa tratran'izao. Anisan'ny tena mampitaraina ny maro ny eny amin'ny digy miazo an'Anosipatrana izay hendahin'ireo jiolahy avy hatrany izay fiara tratrany no sady robainy sy vonoiny ihany koa ireo olona ao anatiny. Avy hatrany dia manjavona , tsy ahitana na inona na inona intsony mantsy ny parebrisen'ny fiara raha vantany vao tratran'ny atody indrindra raha mampiasa essuie glace koa dia tsy mantsy mijanona. Ny fanontaniana hafa izao dia ny hoe ; nividy atody ve izany ireo jiolahy, sa efa atody avy nangalarina koa no atoraka amin’ny fiara mandalo ? Tsy kely lalana marina ny ratsy.
Pâti
Légende : Tahaka izao ny nanjo ilay fiarakely nandalo teny Itaosy