Fandriampahalemana

Tsy fandriampahalemana Mirongatra be, hoy ny Seces

Fandriampahalemana
Alatsinainy 19 Febroary 2018

Tafahoatra ny tsy fandriampahalemana amin’ny lafiny rehetra eto amin’ny firenena, raha ny fanambarana nataon’ny avy eo anivon’ny sendikan’ny mpampianatra mpikaroka sampana Antananarivo taorian’ny fidinana ifotony nataon’izy ireo amin’ny maha vato nasondrotry ny tany azy.

Ny fanararaotam-pahefana, ny fakana an-kolaka sy mivantana an-keriny tanin’olona, ny kolikoly, ny tsy fahamarinan’ny fitsarana sy ny maro hafa. Tany manankarena sy manana mponina vonon-kampandroso ny fireneny i Madagasikara, raha tsy hiresaka afa-tsy ny faritra mivelona amin’ny voly fanondrana, toy ny Kakao, Lavanila, ny Jirofo, ny Lodsia ary singanina amin’izany ny faritr’i SAVA, DIANA, Analanjirofo ary Atsimo Atsinanana izay nahazoanay fanasana, hoy izy ireo. Velon-taraina ireo mponina, hoy ny Seces ary atahorana mafy ny hisian’ny fitsaram-bahoaka raha tsy mandray ny andraikiny ireo tompon’andraikitra tandrify.

J. Mirija