Fandriampahalemana

Tsy fandriampahalemana any Atsimo Maty notifirin’ny dahalo ny mpilatsaka an-tsitrapo iray

Fandriampahalemana
Alarobia 08 Desambra 2021

Mpiasan’ny Association Young Progress, mpiara-miasa amin’ny PAM (Fandaharanasan’ny firenena mikambana momba ny sakafo) no maty voatifitry ny dahalo omaly maraina tokony ho tamin’ny 9 ora,

teo aminy croisement Angazety, Ampilira any akaikin’Ambovombe Androy raha handeha hanao fitsinjarana na “distribution”. “Marihina etoana fa vao nandalo teo amin’io toerana io izahay androany maraina taminy 7 Ora sy sasany”, hoy Atoa Paolo Emilio Raholinarivo tao amin’ny tabajotran-tserasera. . “Vao avy niresaka tamiko io Rahalahy io teto Tranomaro alohany izy namelona moto handeha satria mifankahalala izahay. Vehivavy iray mpiara miasa aminy koa no maratra voatifitra taminy tanany”, hoy ny fanazavana. Niaraka nanao ny fanenjehana tamin’ny fokonolona, Zandary ary Miaramila izahay ka mbola mitohy izany hatramin’izao, hoy ny vaovao omaly.
Toky R