Tsy fandriam-pahalemana

Lehilahy iray mpanamboatra

Fandriampahalemana
Alatsinainy 30 Martsa 2026

basy voasambotra

Tokantrano iray ao Atsimontsena Tsiroanomandidy tampon-tanàna no nahazoan'ny Polisim-pirenena ao Bongolava angom-baovao fa misy fitaovam-piadiana tsy ara-dalàna. Nidina nanao fisavàna io tokantrano io ny Polisy ny tolakandron'ny 27 Martsa 2026 ka hita tao tokoa ny karazana basim-borona sy basy poleta maromaro ary misy basy vita gasy ireto tratra ireto. Voaporofo ihany koa fa mamboatra kojakoja fanao amin’ny basy ilay lehilahy tompontrano. Nosamborina avy hatrany moa ity lehilahy mpanamboatra basy vita gasy ity ary nentina eny amin'ny biraon'ny Polisimpirenena nanaovana fanadihadiana. Voaporofo fa mampiasa basy vita gasy ireo jiolahy tamin’ireo fanafihana mitam-piadiana miseho ao amin’ny faritra Bongolava.
Nangonin'i Jean D.