TSIROANOMANDIDY

Moto halatra iray tratra, niaraka tamin’ny fonosan-drongony 20 isa

Fandriampahalemana
Alakamisy 29 Aogositra 2024

Moto halatra iray niaraka tamin’ny fonosan-drongony 20 isa no indray sarona tany amin’ny distrikan’i Tsiroanomandidy, Faritra Bongolava.

Nandritra ny fisafoana nataon'ny Polisy miasa any an-toerana afak’omaly Talata 27 aogositra no nahatrarana azy ireo. Lehilahy iray nitondra kitapo lehibe no nosavaina ka nahatratrarana "sachet" misy rongony roapolo fonosona izay saika haparitaka ao Tsiroanimandidy.Lehilahy iray hafa ihany koa no tratra teny akaikin'ny biraon'ny Prefektioran'i Tsiroanimandidy nanosika moto izay nangalarina tandron'io andro io ihany tokony tamin'ny 11 ora alina. Nojerena ny taratasy sy ny mombamomba ilay lehilahy fa tsy mifandraika amin'ny tena tompon'ny moto. Nogiazana ilay moto ary noentina eny amin'ny biraon'ny Polisy miandry izay tena tompony.
Pati
Legende : Ireo roalahy indray noraofin’ny mpitandro ny filaminana tao Tsiroanomandidy !