TSINDRON’ANTSY NAHAFATESANA OLONA

Karohina fatratra I Mamifetra Joseph, mponin’Anosibe

Fandriampahalemana
Alarobia 17 Aprily 2024

Namoahan’ny mpitandro ny filaminana didy fampisamborana Rakotoarisoa Mamifetra Joseph,

tovolahy iray mponina eny Ambohibarikely Anosibe. Raha araka ny fantatra dia anisan’ny hikarohana sy hitadiavana azy mafy ny fanindromana olona tamin’ny antsy, fihetsika niniana natao ka nitarika ny fahafatesan’ity farany. Tao amin’ny Lot III S 101 IA Ambohibarikely Anosibe no toerana nahitana ity tovolahy ity farany, raha ny vaovao azo omaly hariva ihany. Mampitandrina ireo izay rehetra minia manafina na mampiantrano ity tovolahy ity araka izany ny mpitandro ny filaminana. Azo heverina ho mpiray tsikombakomba avy hatrany mantsy izy ireny noho izy mitahiry mpamono olona. Toraka izany koa ireo mitahiry mpangalatra…
Pati
Legende : Ity Rakotoarisoa Mamifetra Joseph !