Fandriampahalemana

Tsaralalana Mpanakalo devizy nisy nitifitra

Fandriampahalemana
Alakamisy 11 Jolay 2019

Nitrangana asa fanafihana tao Tsaralalana akaikin’ny sekoly ENMG omaly alarobia 10 jona atoandro tokony ho tamin’ny 12 ora sy sasany. Mpivady avy nanakalo vola vahiny (devise) tao amina banky iray teny an-toerana no nisy nanafika.

Voatifitra ka naratra mafy ilay vehivavy, raha araka ny fampitam-baovao avy amin’ny polisy. Olona nandeha môtô scooter no voalaza fa nitifitra azy tamin’ny basy poleta ary tsy nisaron-tava. Nentina haingana teny amin’ny hopitaly HJRA Anosy izy. Hatramin’ny omaly hariva fotoana nanoratanay moa dia mbola eo am-pikarakarana azy ireo dokotera ao amin’ny hopitaly HJRA koa andrasana ny mety ho tohiny.Voatoton’ny vodi-basy kosa ilay rangahy vadiny ary voalaza fa nisy mpandalo iray hafa ihany koa voatifitra. Efa eo am-pelatanan’ny mpitandro ny filaminana kosa ny fikarohana ireo nahavanon-doza. Voalaza moa fa lasan’ireo jiolahy ny vola mitentina 100 tapitrisa ariary

Pati