Fandriampahalemana

Tsarahonenana Sahanivotry Votsotra teny an-tananan’ireo dahalo ny omby 4

Fandriampahalemana
Alatsinainy 12 Septambra 2022

Nisy dahalo tonga nanafika tao Est/Namatry, fokontany Sahanivotry, kaominina ambanivohitr’i Tsarahonenana Sahanivotry ny faran’ny herinandro teo.

Omby miisa 4 no indray nentin’ireo tsy mataho-tody ka avy hatrany dia niantso ny zandarimariam-pirenena any an-toerana ireo fokonolona. Tonga haingana iretsy voalohany raha vantany vao nahare ny vaovao ka raikitra ny fanarahan-dia.Vao nahatazana ireo mpanara-dia ny dahalo noho izany dia vaky nandositra ka navelany ireo omby miisa efatra ireo. Tao anatin’ny asa tagna-maron’ny fandriampahalemana moa no nahafahana nanavotra ireto omby ireto teny am-pelatanan’ny dahalo.
Nangonin’i Pati