Tranga tany anaty taksibe zotra 133

Mpianatra very saram-pianarana

Fandriampahalemana
Alatsinainy 09 Febroary 2026

iray volana sy brushing

Mirongatra ny mpanendaka ao anatin'ny taxibe 133 mampitohy an'Ambodifilao sy Itaosy hopitaly na Cite, distrikan'Atsimondrano. Ankoatra ireo mitaraina ho very finday isan'andro mantsy dia tovovavy kely mpianatra iray indray no very saram-pianarana iray volana niampy brushing ny faran'ny herinandro teo. Tao anaty kitapo avokoa ireo rehetra ireo raha araka ny fanazavana azo. Tsy nahare na inona na inona mihitsy ilay mpianatra hoy ny vaovao azo fa Ilay poketrany efa nisokatrabe tsy nisy afa-tsy zavatra madinika sisa no nanaitra azy. Indrisy anefa hoy ny fanazavana fa efa tsy nisy olona intsony teo akaikiny. Ranomaso vokatr'izany no nentin'ilay tovovavy kely namonjy ny toeram-pianarany sy nitarainany tamin'ireo mpampianatra azy ka Ireto farany no niantoka ny saran-dalany namonjy fodiana. Tsiahivina moa fa miara-miainga amin'ny olon-drehetra toy ny handeha hianatra sy hiasa ny mpangalatra sy ny mpanendaka isan'andro. Tokony ho mailo araka izany ny tsirairay na eny an-dalana na any anaty taxibe hisorohana ny olana mety hitranga tahaka izao. Diso matahotra ny valifatin'izy ireny rahateo ireo mpanampin'ny mpamily taxibe na dia mahita ny asa ratsy hataony aza ka tsy mitoroka na miteny.
Pati
Légende : Hanjakan'ny mpanendaka tanteraka ny ao anaty taxibe 133 ankehitriny !