TRANGA HAFAHAFA

Nisy naka ny nofony tamin'ny fen'ilay omby velona

Fandriampahalemana
Alarobia 22 Aprily 2026

Omby mitsangana niraoka ahitra teo

amin'ny sisin'ny seranam-piaramanidina tao Mananara Avaratra no fantatra fa nisy naka ny nofon-kena teo amin'ny feny sy takibany afak'omaly Alatsinainy 20 Aprily. Tsy fantatra moa na inona ny tanjon'ireo nisompatra an'ity omby ity na sotasota fotsiny tsotra izao fa efa nametraka fitarainana teny amin'ny mpitandro filaminana ny tompony . Sambany no nahitàna tranga toy izao tany Mananara Avaratra hoy ny Sefom-pokontany teo amin'ny toerana nisehoan'ilay tranga. Na velona aza ity omby ity dia fantatra fa tsy maintsy hitondra takaitra noho ilay feribe eo amin'ny vatany.
Nangonin'i Pati
Légende : Ity ilay omby !