Fandriampahalemana

Trafikana « héroïne » Voasambotra tao Vohémar i Sahad Mohamad

Fandriampahalemana
Talata 05 Septambra 2017

Efa-bolana no nikarohana an’i Sahad Mohamad no izao tratra izao. Mpanao trafikana zavamahadomelina mahery vaika toy ny « héroïne »

ity tovolahy 30 taona ity, no anaty fikambanan-jiolahy ihany koa. Efa namoahan’ny polisy tao Antsiranana “Avis de recherche” izy tamin’ny volana aprily 2017. Vao nigadona tao Vohémar izy ny marainan’ny zoma 1 septambra 2017 tamin’ny 5ora maraina, dia voasambotry ny polisy ao an-toerana tarihin’ny Kaomisera Tombozafy.

Nentina nihazo an’Antsiranana omaly alatsinainy 4 septambra ny tenany ary hatolotra ny polisy any an-toerana izay misahana ny tohin’ny famotorana.

Jean D.