Tovolahy Ranjanana sy tomady

Nanafika “cash point” tamin’ny basy kilalao

Fandriampahalemana
Talata 12 Desambra 2023

Tovolahy ranjanana sy azo lazaina ho tena tomady ara-batana no nanandrana namaky

toeram-panakalozam-bola na “cash point” tao Moramanga, teo am-pitana tobin-dasantsy iray eo amin’ny toerana antsoina hoe Camp de Marie, raha ny fampitam-baovao voaray omaly. Basy kilalao no nentiny nanaovana ny asa ratsiny, hoy ireo nanatri-maso ary dia nitambaran’ny fokonolona teo ny lehilahy rehefa tsikaritra fa basy tsy nipoaka ny teny an-tanany. Nosamborina izy, noho izany, ary nentina tany amin’ny tobin’ny zandary. Araka ny fanampim-baovao voaray hatrany moa dia voalaza fa manana anton’asa mahazatra azy ao an-toerana dia ny fanamboarana finday ity tovolahy nanao ny tsy fanaony ity.
J. Mirija