Tovolahy lasa dahalo

Maromaro ireo antony

Fandriampahalemana
Zoma 24 Mey 2024

Lasa manao dahalo ireo tovolahy noho ny antony maromaro,

hoy ny fanazavana voaray teo anivon’ny fiadidiana ny zandarimaria. Antony iray ny hoe satria izy efa zanaka dahalo. Faharoa ny hoe lasan'ny dahalo ny ombiny dia mba maka koa izy. Mety koa hoe kamo hitana angady sy hifototra amin'ny asa fambolena. Misy koa ireo voaroakan'ny rainy fa tia toaka loatra. Eo koa ny fananana naman-dratsy. Tsy nanaiky azy ny tovovavy nilainy ka ny ombin'ny dadany no alainy. Ao ny fialonana fotsiny. Ao ny tezitra tamin'ny prezidan'ny fokontany fa nampanaoviny asa fiambenana. Te hitovy amin'ny hafa nefa tsy ampy ny enti-manana. Tsy te ho hendry loatra fa ny maditra no tian'ny tovovavy. Akaiky ny fety kanefa tsy manam-bola. Ny sasany manana fomba fijery hoe tsy mahafaty akory kay ilay migadra, hoy hatrany ny CIRGN Antananarivo.
J. Mirija